Бадем торта

Состојки:

Тесто

• 6 белки
• 120 гр.шеќер
• 180 гр. мелен печен бадем

Фил

• 6 жолчки
• 250мл.слатка павлака
• 100 гр. шеќер( по потреба)
• 180 гр.путер
• 1 ванила
• 100 гр.листови од бадеми

Подготовка:

Белките се матат во цврст снег убаво со миксер со постепено додавање на шеќерот. Се додаваат мелените бадеми  ( предходно се потпекуваат во рерна 20 мин. со повремено мешање, се ладат и мелат ) и со шпатула рачно се меша смесата со белките нежно на една страна. Тестото се дели на 2 дела и се пече во округла модла со обрач бр.26 предходно обложена со хартија за печење на 170 степени 25 минути во предходно загреана рерна. Тестата се оставаат убаво да се изладат.

Се подготвува филот со матење на жолчките. Се загрева на тивко слатката павлака до зовривање, доколку има шеќер не е потребно да се додава дополнително,се додаваат изматените жолчки со постојано мешање до згуснување на кремот. Се остава убаво да се излади. Се мати путерот предходно омекнат на собна температура, се додава ванила и се заедно се меша со изладената крема. Се тостираат ливчињата ( во суво тавче на умерен оган). Тестата се премачкуваат со кремот и се наросуваат со тостираните ливчиња бадем.