Кифли по мој вкус

Состојки:

Тесто

• 600 мл.млеко
• коцка квасец
• 1 лажиче шеќер
• 2 лажичиња сол
• 200 мл.масло маслиново
• 1 кг. просеано брашно

Фил

• 200 гр.путер
• 2 жолчки од јајца
• 1 лажичка сол

Премачкување

• 1 белка
• Сусам

Подготовка:

Во млакото млеко се додава квасецот и шеќерот и се чека да стаса. Во сад за месење се додава стасаниот квасец, солта, маслото и брашното. Се меси тесто рачно или со миксер.По потреба се додава уште брашно.Тестото се покрива и остава да стаса на топло. За филот се мати омекнатиот путер, се додаваат жолчките и на крајот солта.На побрашнета подлога за месење тестото се дели на 3 дела.Секој дел се расукува по должина и се добива правоаголник, се мачка со филот и се витка ролат. Постапката се повторува и со останатите 2 дела од тестото. Со остар нож тестото се сече на тријаголници.Се редат во плех на хартија за печење и мачкаат со матена  белка и наросуваат со сусам. Кифлите се оставаат уште 10 минути да стасаат на топло. Се печат во загреана рерна на 200 степени.