Не може да помине уличен фестивал, панаѓур( лето или зима) без Куртош колач или како што му е оригиналното име Kürtőskalács. Во зима се јаде топол со цимет и шеќер, а во лето со сладолед. И сите си чекаат во ред застанати, никој не се буни, а има и зошто…
Ми беше предизвик да го направам. А и се кладев со децата дека оригинал ќе биде.
Е каде да најдам сега 6 лименки пиво.Така пишува. И тоа празни да бидат. Треба да се обложат со алуминиумска фолија. Да бев во Скопје не ќе беше проблем, брат ми Мишко одма ќе ми обезбедеше лименки од Скопско пиво. На Мартин му текна, мамо ај да си купиме детско пиво и да го испиеме. Какво е тоа детско го прашувам, па мамо со 0% алхохол. Го решивме проблемот за модлите. Уште колачот да ни успее и сме завршиле работа си помислив…
