Се што е со модар патлиџан ми е омилено. Уште да е вегетаријанско, без месо, можам секој ден да го јадам. Како на пример ова јадење. И за мене не постои сезона. Во секое време и место го правам. Само свеж босилок ми треба. Толку. За другото се наоѓа…
Керамичкава тава ми е посебно драга. Ја купив во Скопје. Ја видов на излог во продавница и знаев веднаш што ќе спремам во нејзе. Бев со авион. Во тој момент не размислував. Ја спакував во куфер помеѓу алиштата.Таква сум. Затоа со авион да одам во Скопје ми е многу покомотно, но поголем стрес ми е. Ќе дојдам со 1 куфер и обавезно им барам уште еден. Ме знаат. Секогаш докупувам куфер. А тек со кола кога одам цел пазар ќе го кренам. Како тука ништо да нема. Така е, ме фаќаат емоции кога си одам од една дома во друга. Навикната сум веќе…❤
